Түркістан облысы Сауран ауданында тұратын ер кісі көршісінің үйіне ұрлыққа түскен. Жәбірленуші әйелдің айтуынша, оның үйіне белгісіз біреу терезе арқылы кіріп, 2 дана ноутбук пен алтын бұйымдарын жымқырып кеткен. Келтірілген шығын көлемі - 1 миллион теңге. Аталған жайт Қылмыстық кодекстің 188-бабы «Ұрлық» бойынша тіркеуге алынды.
«Қолды еткен алтындарды облыс орталығындағы ломбардтардың біріне өткізсе, ноутбуктың біреуін сатып үлгерген. Ал ақшасын жаратып жіберген. Күдіктіден айғақты зат ретінде ұрланған ноутбуктың біреуі тәркіленіп, заңды иесіне қайтарылды. Қазіргі таңда ұсталған күдіктіге қатысты тергеу амалдары жүргізілуде» деп атап өтті облыстық Полиция департаментіндегілер.
