Тоқаевтың тапсырмасына байланысты Нұр-Сұлтанда жиналған көпбалалы аналармен Президент Әкімшілігінің басшысы Бақытжан Сағынтаев және үкімет өкілдері кездесті. Бұл туралы Тоқаев дүйсенбі күні кешке өзінің Twitter-дегі парақшасында жазды.
"Менің тапсырмам бойынша көпбалалы аналармен Президент Әкімшілігінің басшысы Бақытжан Сағынтаев пен Үкімет өкілдері кездесу өткізді. Олардың мәселелері ертең жұмыс тобы шеңберінде қаралатын болады. Мәселені заңнамаға сәйкес тыныш, іскерлік жағдайда шешу керек", — деп жазды Мемлекет басшысы.
Дүйсенбі, 3 маусым күні Нұр-Сұлтанда Үкімет үйі ғимараты алдында билік басындағыларға тұрғын үй мәселесін шешу бойынша өз талаптарын білдіру үшін ондаған көпбалалы аналар жиналды. Олар 10 пайыздық бастапқы жарнаның күшін жоюды, ипотека бойынша жылдық 2 пайыздың күшін жоюды (пәтерді сатып алуға бөліп төлеуді енгізу), тұрғын үйді жалға емес, бірден меншікке беруді талап етті.
"Біз
мәселеміз шешілмейінше бұл жерден
кетпейміз. Кабинеттен кабинетке жүгіруден
шаршадық. Нақты және оң шешім күтеміз",-деді
көп балалы ана.
"Біздің басты
өтінішіміз - тұрғын үй. Бізге ештеңе
қажет емес", — деді әйелдердің
бірі.
"Біз он баламыз,
анамыз ауруханада жатыр. Үйіміз жоқ.
Бізге үй берсін. Басқа ештеңе сұрамаймыз",
- деді жиынға туысымен еріп
келген жасөспірім.
Вице-премьер Гүлшара Әбдіхалықова,
ҚР еңбек және халықты
әлеуметтік қорғау министрі
Бердібек Сапарбаев пен Нұр-Сұлтан
қаласының әкімі Бақыт Сұлтанов
әйелдерге басу айтып, диалогқа
шақырды. Кейін Сапарбаев, Сұлтанов
және индустрия және инфрақұрылымдық
даму бірінші вице-министрі Қайырбек
Өскенбаев көпбалалы аналарды бірлесе
қабылдауды бастады.
