Қаржылық мониторинг агенттігінің Павлодар облысы бойынша департамент қызметкерлері АИ-95 маркалы бензині бар 3 вагон цистернаны «жанармай қоспасы» деген желеумен елден заңсыз әкету фактісін анықтады. Вагон ішінде жалпы құны 54 млн теңге тұратын 165 тонна жанармай болған. Сондай-ақ, аталған компаниядағылар 89 млн теңге тұратын көлемі 280 тонна АИ-95 маркалы бензині бар 5 вагон цистерна Өзбекстанға экспорттамақ болған кезде де ұсталды. Бұл туралы агенттіктегілер хабарлады.
«Бұл компания Өзбекстан мен Тәжікстанға 90 миллион АҚШ доллары көлемінде 100 мың тоннадан астам жанар-жағармай экспорттауды көздеген. Серіктестік директоры өз кінәсін толық мойындады. Тәркіленген бензин құйылған цистерналар мемлекет кірісіне айналдырылды. Бұрын сатылған бензиннің құны 54 млн теңге сотталғаннан мемлекет кірісіне өндірілді» делінген мәліметте.
