Шымкенттік ерікті жастар сауапты істі қолға алды. "Made in Shymkent" клубының еріктілері құлағы нашар еститін балаларға робототехника кабинетін жасақтап бермек. Бұл балалардың заманнан қалыс қалмай, ой-өрісінің дамуына мүмкіндік береді дейді олар.
«Біз "Made in Shymkent" клубының еріктілері, көз ілеспес жылдамдықпен дамып келе жатқан мына заманнан артта қалып кетпеуі үшін, естімейтін балаларға арнап мектеп интернат ішінен робототехника кабинетін жабдықтап бергіміз келеді. Есту қабілеті бұзылған ерекше балалар басқа балалармен бірдей дами алады, бірақ жалғыз айырмашылығы, олар әлемді ести алмайды. Олар қарапайым балалар сияқты мүмкіндіктерге ие емес. Сондықтан біз оларды қолдауымыз керек. ",-дейді ұйымдастырушылар.
Шымкент қаласында нашар еститін балаларға арналған №2 мектеп-интернаты бар, онда 100-ден астам бала білім алуда. 3 жастан 12 жасқа дейінгі балалар өте белсенді және көңілді. Алматы қаласындағы №1 мектеп-интернаттың краудфандингінің үлгісімен, Шымкент қаласында да естімейтін балаларға арналған робототехника кабинеті ашылса, бұл мүмкіндігі шектеулі балалардың заман ағымынан қалып кетпей, техниканы меңгеріп, ой-өрісінің дамуына мүмкіндік береді дейді шымкенттік волонтерлар.
"Жобаны
іске асыру үшін сатып алуынуы қажет
техникалар:
1. Робот конструкторы
(базалық) "Lego Mindstorms EV3" - 146 000 тг.
2.
"Lego Mindstorms EV3" - 80 000 тг.
3. Ноутбук
"Lenovo IP 330-15 IGM (81D100MXRK)" - 150 000 тг.
Барлығы:
3 жиынтық (438000+240000+450000)- 1 128 000 тг.
Барлығы:
1 128 000 теңге.",-деп көрсетілген start-time.kz сайтындағы мақалада.
Айта кетейік, ұйымдастырушылар жобаға қатысушылар мен демеушілерді М. Әуезов атындағы ОҚМУ-де өтетін робототехника бойынша
мастер-классқа шақырады.
"Алдағы
уақытта балалар М. Әуезов атындағы ОҚМУ
студенттерімен бірге арнайы жобаға тартылатынын
айтқымыз келеді. Онда смартфон арқылы
олардың қимылдарын оқитын мобильді
қосымшаны жасалады. Бұл есту қабылеті
нашар балалардың басқа адамдармен
қарым-қатынас жасауына көмектесетін
болады",-делінген хабарламада.
Толығырақ: https://start-time.kz/project/?id=645
