Шымкент әкімі Мұрат Әйтенов жаңадан бой көтеріп жатқан көп қабатты тұрғын үйлердің құрылыс жұмыстарының барысын тексерді.
Әкімшілік-істерлік орталықтағы Арғынбеков көшесі бойында салынып жатқан №1 және №4 көпқабатты тұрғын үйлердің құрылысы аяқталуға жақын. 2020 жылдың аяғында басталған құрылыс жұмыстары жыл соңына дейін аяқталып, пайдалануға беріледі деп жоспарланып отыр. Әрбір үйдің аумағы 3 518,43 шаршы метр. Тұрғын үй 1,2,3 бөлмелі 54 пәтерден тұрады. Бұл туралы қалалық әкімдіктің баспасөз қызметі хабарлады.
Айта кетейік, әкімшілік-іскерлік орталығында 9 қабатты 8 тұрғын үй салынуда. Бүгінде оның төртеуі пайдалануға берілді, қалған төрт үйде құрылыс жұмыстары әлі де жалғасуда. 432 пәтердің жалпы аумағы 23 820 шаршы метрді құрайды.
Бүгінде тұрғын үйлердің инженерлік желілері 75 пайыз, лифт – 10 пайыз, ішкі әрлеу 95 пайызға, сыртқы әрлеудің 90 пайыз жұмыстары аяқталған.
Құрылыс жұмыстарының барысын қадағалаған қала әкімі жұмысты осы айдан кешіктірмей аяқтауды және абаттандыру жұмыстарында орын алған олқылықтарды реттеуге тапсырма берді.
Айта кетейік, биыл Шымкент қаласы әкімдігінің құрылыс басқармасының тапсырысы бойынша 90 нысанның құрылысы жүргізілуде. Олардың ішінде бюджет есебінен салынып жатқан 51 көпқабатты тұрғын үй бар. Оның 31-і несие, 20-сы жалға беріледі.
Қалалық құрылыс басқармасының мәліметі бойынша, бұл тұрғын үйлердің жалпы ауданы 239 300 шаршы метрді құрайды (2972 пәтер). Бүгінгі таңда Тұран шағынауданында және Шымкент қаласының әкімшілік-іскерлік орталығында салынған 7 жалдамалы тұрғын үйдің құрылысы аяқталды. Пәтерлер тұрғын үйді күтіп тұрған отбасыларға берілді. Жыл соңына дейін қалған 24 үйді және 20 үйді жалға беру жоспарлануда.
Сондай-ақ, ағымдағы жылы білім беру саласында 4600 орындық 11 оқу корпусының құрылысын Шымкент қаласының құрылыс басқармасы жүзеге асырады. Олардың ішінде 4 жалпы білім беретін мектептің жанында салынған қосымша ғимараттар жаңа оқу жылы басталғанға дейін пайдалануға беріледі. Жыл соңына дейін тағы 3 білім беру нысаны пайдалануға беріледі. Қалған 4 нысанның құрылысы келесі жылға уақытша сипатта болады. Сонымен қатар, бүгінде селективті білім беру саласында 6690 орындық 16 ғимараттың жобалау-сметалық құжаттамасы әзірленуде.
Биыл мәдениет саласында 3 нысанның құрылысы жүргізілуде. Ең үлкенін Шымкент-сити шағын ауданында салынып жатқан Конгресс-холл ғимараты деп санауға болады. Бұл мәдениет орталығы келесі жылы ашылады деп күтілуде.
