ШЫМКЕНТ: Қол сөмкесінде қару мен оқ-дәрілер алып жүрген 39 жастағы алматылық тұрғын ұсталды

18 ақпан, 11:26

Полицияға күдікті азамат туралы такси жүргізушілерінің бірі хабарлаған. Ол көлігіне мінген адамның қол сөмкесінде қаруы барын байқап, күмән тудырғанын баяндаған.

Осы мәлімет бойынша шұғыл іске кіріскен тәртіп сақшылары Жедел басқару орталығының бейне камералары арқылы алматылық азаматты анықтады. 39 жастағы ер адам Абай ауданы Полиция басқармасына жеткізілді. Тергеу барысында анықталғандай, сезікті бұрын бірнеше рет сотты болған. Полиция сотқа дейінгі тергеп-тексеру жұмыстарын жүргізуде. Күдікті азамат уақытша қамау изоляторына жабылды.