Қанды қылмысқа барған "Нұрсәт" шағынауданының 1986 жылы туылған тұрғыны, деп хабарлайды Шымкент қалалық ПД баспасөз қызметіне сілтеме жасай отырып Elitar.kz.
Ж. есімді азамат үйіне түн ортасында мас халде келген. Араққа сылқия тойған інісіне ағасы ашуланып жұдырық жұмсаған. Бауырының бұл қылығына әбден қаны қарайған інісі асхана пышағын алып аулада тұрған ағасына ұмтылған. Оның сол аяғы мен сол жақ қабырғасына пышақпен соққылаған. Жарақаттанған үлкен ұлын көрген ата-анасы жедел жәрдем шақыртпай-ақ ауруханаға таксимен өздері жеткізген. Масаң халде туған ағасына пышақ кезеніп жарақаттаған інісі өз ісіне өкініп, ауруханада бауырының ем алу кезінде бір елі қасынан шықпаған көрінеді.
Бауырын
жарақаттаған азаматқа ҚР ҚК-нің 106-бабының
1-бөлігімен айып тағылған. Шымкент
қаласы, Қаратау аудандық сотының үкімімен оған
үш жылға бас бостандығынан шектеу
жазасын тағайындалды. Сот үкімі заңды
күшіне енген жоқ.
