Шымкентте Ынтымақ шағынауданында жүк көлігі өртеніп кетті. Оқиға кеше кешкі уақытта орын алған.
«Диспетчерлік қызметтің "101" пультіне 6 қыркүйек сағат 20-58-де Ынтымақ шағынауданында Шымкент-Түркістан автожолында тіркемесі бар "Мерседес-Бенц Актрос" маркалы жүк көлігі жанып жатқаны туралы хабарлама келіп түсті. Оқиға Шымкент қаласынан шыққан кезде болған. Өрт 21.38-де ауыздықталып, 21.50-де сөндірілді. Өртті сөндіруге Өрт сөндіру қызметінің 25 қызметкері мен 5 техникасы жұмылдырылды» деп атап өтті қалалық ТЖД.
Жүк тиелген көлікте азық-түлік, атап айтқанда: чипсы, газдалған сусындар болған. Қайтыс болғандар мен зардап шеккендер жоқ. Мамандар қазіргі таңда өрттің шығу себебін анықтап жатыр.
