Кез-келген іске қабілетті шымкенттіктер шетінен еңбекқор. Былтыр 1 мыңнан астам мүмкіндігі шектеулі азамат тұрақты жұмысқа орналасқан. Бұл туралы қалалық жұмыспен қамту және әлеуметтік бағдарламалар басқармасының мамандары мәлімдеп отыр. Халыққа екі қолға бір күрек ұсыну үшін қолға алынған шаралардың нәтижесінде шымшаһарда жұмыссыздар да азайған дейді жауаптылар. Мәселен, жұмыссыздық деңгейі былтыр бұрнағы жылмен салыстырғанда 5,2 пайыздан 5,1 пайызға төмендепті. Мамандар сөзіне қарағанда, әйелдер арасындағы жұмыссыздық 5,8-ден 5,6 пайызға, ал жастар арасындағы жұмыссыздық 3,8-ден 3,1 пайызға кеміген.
Автор: Мақпал Рысбаева
