Көлік тізгіндеген жас әйел Шымкенттегі көпқабатты үйлердің бірінің алдында үйінен енді шыққан 5 жастағы баланы қағып өлтірді, деп хабарлайды Otyrar.kz сілтеме жасай отырып Elitar.kz.
Оқиға жоғарғы базар ауданында Әлімқұлов көшесі, 4 үйде орын алған. Куәгерлер баланы құтқаруға тырысқанымен, ол аурухананың реанимация бөлімінде көз жұмды. Олар Chevrolet автомобилінің балалар ойнап жүрген ауламен жүргенін айтты. Жүргізуші баланың подъезден шыққанын байқамаса керек. Ол бірден тежегішке басқанымен, үлгерген жоқ. Салдарынан 2013 жылы дүниеге келген бала облыстық клиникалық аурухананың реанимация бөлімінде көз жұмды.
"Қабылдау
бөлмесінен қоңырау келіп түсті. Ол ессіз
күйде болғанын ескеріп,
бірден жасанды тыныс алу аппаратына
қостық. 25 минут ішінде
жүрек-өкпе реанимациясын өткізді, бірақ
жүрек қызметі тоқтады. Ол біздің
нейрохирургтар тарапынан тексеріліп,
алдын ала бас сүйегінің сынығын
диагностикаладық", - деді реанимация
бөлімінің меңгерушісі Вячеслав Цай.
Басылымның
айтуынша, үй жоғарғы базар
маңында орналасқан. Баланы қағып кеткен
ауланы базар сатушылары
стихиялық автотұраққа айналдырған.
Үй төрағасының айтуынша,
ол күнде полицияға
шағымданып, әкімдікке жүздеген рет
өтініш білдірген.
"Сауда базарының
сатушылары біздің ауламызды тұраққа
айналдырды, бүгін баланы қағып кетті...
Мұнда тәртіп орнатыңыздар!
Балалар ойнайтын аулалар
автомобильдерге лық толы. Бізге
шлагбаум, бейнекамера қойып, қандай да
бір шаралар қабылдаңыздар",-деді
Раушан Шоланова.
Шымкент
ЖП оқиғаға қатысты түсінік берген жоқ.
