Дауыс берушілер өте белсенді. Қала бойынша 311 референдум учаскесі жұмыс істеді. Оның 18-і жабық. Ұала бойынша 631 мың 133 адам дауыс беру құқығына ие.
Оңтүстік Қазақстан мемлекеттік педагогикалық университетінде орналасқан № 98 референдум учаскесінде де таңғы сағат 7.00-ден бастап дауыс беру жүруде. Бұл учаскеде 1 967 дауыс беруші тіркелген. Олардың арасында жастар да, қариялар да көп. Зейнет жасындағылардың бірі 96 келген Қапира Садуақасова да бүгін өз таңдауын жасады. Қарт педагог еңбек жолын 1946 жылы Оңтүстік Қазақстан мемлекеттік педагогикалық университетінде бастаған. Жасы жүзге таяғанына қарамастан ойы анық, сөзі нық. Әжей референдумда дауыс беріп, ел болашағына үлкен үміт артып отырғанын жеткізді.
Естеріңізге сала кетейік, дауыс беруге дейін Шымкентте республикалық референдум мәселелері бойынша CALL-орталық іске қосылды.
Шымкентте референдумның өткізілуін 900 байқаушы, оның ішінде 12 шет елден келген байқаушы бақылап отыр. Учаскелер 20:00-ге дейін жұмыс істейді. Референдум күні қоғамдық көлікпен жүру тегін.
Мұрат Әйтенов қалалық әкімдіктің жанындағы учаскеге дауыс беруге келді
"Облыстардың, республикалық маңызы бар қалалардың және астананың аумақтық комиссияларынан референдум комиссиясының штатына ұсынылған деректерге сәйкес, жалпы ел бойынша Астана уақытымен сағат 10-дағы жағдай бойынша тізімге енгізілген азаматтардың жалпы санының 28,59 пайызы дауыс беруге арналған бюллетеньдерді алды. Бұл ретте азаматтардың ең көп белсенділігі Шымкентте байқалады – 34,19 пайыз, – деп хабарлады ҚР ОСК.
Естеріңізге сала кетейік, Қазақстан Президенті Қасымжомарт Тоқаев 16 наурызда Парламент отырысында халыққа арнаған үндеуінде мемлекеттің саяси жүйесін кешенді жаңарту бойынша реформалардың жаңа пакетін ұсынды.
Республикалық референдумға бұқаралық ақпарат құралдарында жарияланған "Қазақстан Республикасының Конституциясына өзгерістер мен толықтырулар енгізу туралы "Қазақстан Республикасы Заңының жобасында баяндалған "Қазақстан Республикасының Конституциясына өзгерістер мен толықтырулар қабылдайсыз ба" деген мәселенің мынадай тұжырымдалуымен "Қазақстан Республикасының Конституциясына өзгерістер мен толықтырулар енгізу туралы" заң жобасы шығарылды 6 2022 жылдың мамыры".
Қазақстан президентінің айтуынша, түзетулердің мақсаты - "жаңа мемлекеттік модельге, мемлекет пен қоғамның өзара іс-қимылының жаңа форматына көшу. Бұл сапалы ауысуды екінші республика деп атауға болады". Жұмыс тобы Конституцияның 33 бабына түзетулер дайындады.
