20 жастағы Қызылорда облысының тумасы бұрын да сотты болған көрінеді. Ол Шымкентте бір емес, бірнеше баланың телефонын пышақ көрсетіп қорқытып мәжбүрлеп тартып алған, деп хабарлайды Elitar.kz.
Сол
күні түс кезінде қаладағы ірі сауда
орталығының бірінде тағы бір кәмелетке
толмаған баланы дәл осылайша қорқытып
мәжбүрлеп телефонын тартып алған. Адам
көп жүретін сауда орталығында "Малыш"
деп баланы шетке шығарып, пышақ кезеніп
сотталып шыққандығын айтып, құны 130 000
теңгелік телефонды иемденіп алған.
Мұнымен де қоймай, сол күні дәмханалардың
бірінің маңында тағы бір мектеп оқушысының
телефонын қорқытып, алып қойған.
Өткен жылдың қазан айында сотталушы шағынаудандардың бірінде гараждардың маңында таңертең сабаққа бара жатқан баладан сөйлесіп алу үшін телефонын сұраған. Кейін бермей "ұрып-соғып, пышақтап кететінін" айтып қорқытқан. Бөтеннің затын, телефонды иемденіп алған ол оқиға орнынан бой тасалаған. Осылайша ер адам жасөспірімдерді қорқытып, мүлкін тартып алуды әдетке айналдырған.
Сотталушыға
ҚР ҚК нің 192 бабының 2 ші бөлігімен айып
тағылған. Әл-Фараби аудандық сотының
үкімімен кінәлі деп танылып, алты жыл
алты айға бас бостандығынан айыру
жазасына кесілді.
