Шымкенттегі Т.Орынбаев атындағы гипербарилық оксигенация орталығың бас дәрігері Мадина Ермаханбетова жалғызбасты анаға қомақты қаржылай көмек беріп, алты бала-шағасына киім-кешек алып берді, деп хабарлайды Elitar.kz тілшісі.
Шымкент қаласында үшемді дүниеге әкелген көпбалалы ана Фозила Досметованы күйеуі жұбайы үшемді дүниеге әкелетінін естіген соң осыдан төрт ай бұрын тайып тұрған. Үшемге жүкті әйел тағы үш баласымен пәтер жалдап, осы күнге дейін әрең күн көріп келген. Өлместің күйін кешкен жалғызбасты анаға жақында демеушілер көмек көрсетіп, қаланың орталығынан 3 бөлмелі пәтерді жалға алып берді. ҚМДБ-ның Шымкент қаласы бойынша өкіл имамы Бақтыбай Бейсенбаев көпбалалы ананың жағдайына бей-жай қарамай, жергілікті демеуші азаматтарды жұмылдырды.
