Шымкентте күйеуіне пышақ сұғып алған әйелге қатысты сот үкімі шықты, деп хабарлайды Elitar.kz тілшісі.
Шымкент қаласы, Қаратау аудандық сотында 33 жастағы келіншекке қатысты қылмыстық іс қаралды. Сот кезінде жұбайлардың арасындағы жанжал бүлдіршін қыздарының тәрбиесіне қатысты туындағаны анықталған. Өзара кикілжің кезінде масайып алған күйеуі әйелінің бетінен шапалақпен салып жібереді. Бұған ашуланған әйел асхана пышағын күйеуінің дәл кеуде тұсына сұғып алған. Өз ісіне өзі шошыған әйел дереу жедел жәрдем шақырып, олар жеткенше жарақаттанған күйеуіне өзі алғашқы медициналық көмек көрсеткен. Өкпенің терең жарақатын алған жәбірленуші көп қан жоғалтқаны анықталған. Дәрігерлердің шұғыл көмегі арқасында аман қалған.
