Коронавирус табылған елдерде қанша қазақстандық жүр?

"Қолда бар деректер бойынша аталған елдерде 95 мыңнан астам азамат бар. Оның 35 мыңы-Оңтүстік Кореяда, 40 мың қазақстандық АҚШ-та, Біріккен Араб Әмірлігінде - 5100, Германияда - 5 мың, 3 мың – Ұлыбританияда, 1800 Қзаақстан азаматы - Италияда, Францияда - 1000 отандасымыз жүр. Олардың көпшілігі студенттер, еңбек мигранттары, шетелдік мекемелердің қызметкерлері мен олардың отбасылары, туристер мен бизнесмендер", - деді министр Үкімет отырысында.

Эпидемиологиялық жағдай нашарлаған жағдайда қазақстандық азаматтарды көшіру туралы мәселе қаралатын болады.

Қазіргі уақытта шетелде жүрген қазақстандық азаматтар арасында коронавирус ауруы тіркелген жоқ.