Балық шабақтарының жаппай қырылуы Қонаев 0аласында бейнетаспаға түсірілді. Экология министрлігі олардың өлімінің себебін анықтау үшін комиссия құрды. Көп ұзамай, ведомство тиісті түсініктемесін дайындап, таратты.
2022 жылғы 2 қарашада әлеуметтік желілерде Алматы облысының Қапшағай су қоймасында балық шабақтарының қырылуы туралы ақпарат жарияланды.
Балқаш-Алакөл облысаралық бассейндік балық шаруашылығы инспекциясы Алматы облысының Табиғи ресурстар және табиғат пайдалануды реттеу басқармасымен, балық шаруашылығы саласындағы мамандандырылған ғылыми ұйыммен бірлесіп балық шабақтарының қырылу дерегі орын алған жерге жедел шықты.
Жануарларға қауіп төну қатері және (немесе) қырылуы орын алған жағдайда жедел іс-қимыл схемасына сәйкес жедел хабарланып, шұғыл түрде жұмыстар жүргізілуде.
Балық шабақтарының қырылу себебін тиісті мемлекеттік органдардың өкілдерімен құрылған комиссия анықтайды.
Ал дәл қазір белгілісі, Экология министрлігі өлген балықтың салмағы шамамен 350-400 кг болатын вобла екенін айтады. қазір мамандар балықты кәдеге жарату үшін жинау үстінде.Балық шабақтарының жаппай қырылуы себептерін анықтау үшін су, топырақтан сынамалар және балықтың өзі алынды.
