​Талдықорғандық таксист жігіт жолаушыны пышақтап кетті

24 қараша, 12:29

Талдықорғанда такси жүргізушісі жолаушыны пышақтап кетті. Оқиға кеше, 21 қарашада болған. Автовокзал маңында Талдықорған қаласының үш тұрғыны үш жерге бару үшін такси шақырған екен. Polisia.kz жазуынша, жолда такси жүргізушісі клиенттерге қызмет ақысын түнгі тарифпен төлеу керектігін еске салған. Алайда жолаушылар бұған дөрекі жауап қайтарып, оның соңы ер адамдардың жұдырықтасуына әкеп соққан. Содан көлік жүргізушісі жиналмалы пышақпен клиенттердің бірін ауыр жарақаттаған.

Жәбірленуші ауруханаға жатқызылды. 27 жастағы такси жүргізуші түсінік беру үшін қалалық полиция бөліміне жеткізілді. Қажетті сараптамалар тағайындалды. Орын алған оқиға бойынша Қылмыстық кодекстің 106-бабының 1-бөлігімен (Денсаулыққа қасақана ауыр зиян келтіру) қылмыстық іс тіркелді.