Жамбыл облысының орталығы Тараз қаласында 88 жастағы зейнеткердің үйіне ұры түсті. Жәбірленушінің айтуынша, кешкі сағат 20.00-23.00 шамасында үйінен әлдекім коллекциялық монеталарды, баян музыкалық аспабын және бірнеше жылдар бойы жинап келген 647 мың теңге ақшасын ұрлап кеткен. Бұл кезде қарт тұрғын үйінде болмаған.
«Осы дерек бойынша ҚР ҚК-нің 188-бабы 3-бөлігімен (ұрлық) сотқа дейінгі тергеу басталды. Жедел іздестіру жұмыстарының нәтижесінде қылмысқа қатысы бар деген күдікпен 51 жастағы тұрғын ұсталды. Ер адам өз кінәсін толық мойындады»,-деді облыстық Полиция департаментіндегілер.
