Бұл туралы Түркістан облысының әкімі Өмірзақ Шөкеевтің қала, аудандардың имамдарымен басқосуында белгілі болды, деп хабарлайды Elitar.kz.
Жиында имамдар дін саласындағы атқарылып жатқан жұмыстар туралы және бірқатар мәселелер мен ұсыныстарын жеткізді. ҚМДБ төрағасының орынбасары, наиб мүфти Алау Әділбаевтың айтуынша, қазір басқарма 4 негізгі бағыт бойынша жұмыс істейді.
Діни басқарманың негізгі бағыттары: уағыз-насихат, оқу-ағарту, қайырымдылық, жат ағымдармен күрес жұмыстары.
«Әрбір жұма күні барлық мешіттерде муфтият бекіткен тақырып бойынша уағыз-насихат жұмыстары жүреді. Имамдарымыз ұдайы біліктіліктерін арттырып тұрады. Діни басқарма қайырымдылық шараларын жиі ұйымдастырып келеді. Мәселен, Түркістан облысында өткен жылы аз қамтамасыз етілген 12 отбасыға пәтер табысталды. Ал, жат ағымдармен күрес бойынша көпшілік қауымға насихат толастаған емес. Қоғамдағы діни тұрақтылықты нығайту мақсатында өңірдегі мешіттерде және түзету мекемелерінде 2500-ден астам кездесу ұйымдастырылып, онда 100 мыңнан аса адам қамтылды», - деді Алау Шайқымұлы.
