Түркістан облысы Түлкібас ауданында көлік ішінен ірі мөлшердегі есірткі заты табылды. Полицейлердің дерегінше, тәртіп сақшылары "Батыс Қытай - Батыс Еуропа" автожолында "Субару" маркалы автокөлікті тоқтатқан. Жедел уәкілдер тінту жүргізу кезінде көліктің жүксалғышынан ішінде есірткіге ұқсас заты бар 4 қап пен өсімдік тектес темекі қорабын тапты. Көлік жүргізушісі бұрын сотталған Түлкібас ауданының тұрғыны болып шықты.
«Аталған жайт Қылмыстық кодекстің 296-бабы 4-бөлігі бойынша "Есірткі, психотроптық заттармен, сол тектестермен өткізу мақсатынсыз заңсыз жұмыс істеу" бойынша тіркелді. Күдікті қамауға алынды. Оқиғаның толық мән-жайы анықталуда» деп атап өтті облыстық Полиция департаментіндегілер.
