Жапониядағы ұмыт қалған заттар орталығынан тағы не тауып алуға болады? Бұл туралы The japan times-ке сілтеме жасай отырып Elitar.kz хабарлайды.
Токио қоймасында жоғалған заттардың санында шек жоқ. Бір ғана 2017 жылдың өзінде қайтыс болғандардың күлі салынған 10 ыдыс ұмыт қалған. Бір қызығы, марқұмдардың туған-туыстары ыдыстарды алуға іздеп келмеген. Ал мұның жанында ұмыт қалған мыңдаған қолшатырлар мен қолғаптар туралы айтудың өзі артық.
660 шаршы метр алаңда Токиода ұмыт қалған және билік өкілдеріне жауапты жапондықтар өткізген барлық заттар сақталады. Олардың ең танымалы - қолшатырлар. Айтпақшы, сәуір айының соңында бөлме қолшатырларға тола қойған жоқ, бірақ қойманың басшысы Седзи Окубо жағдайдың маусым айында, жаңбыр маусымының басталуымен түбегейлі өзгеретініне сенімді.
Кәдімгі жаңбырлы күні Токио
полициясына 3000 ұмытылған қолшатырлар
келіп түседі, ал 2016 жылы 381 135 қолшатыр
келді. Әрбір қолшатырға қашан және қайда
табылғаны туралы толық ақпараты бар
штрихкод жабыстырылған. Базаға енгізгеннен
кейін қолшатыр қоймаға жөнелтіліп, өзі
секілді жоғалған заттардың қасына
қосылады.
Табылған
барлық заттар бір-екі апта полиция
учаскелерінде, темір жол станцияларында
немесе әмбебап дүкендерде сақталады,
содан кейін қоймаға жіберіледі.
27 сәуірде онда әмияндар мен күннен қорғайтын көзілдіріктерден бастап айфондар және марқұмдардың күлі сақталған құтылар секілді ешкімге қажетті емес тұрмыстық заттардың 900 мыңға жуығы жиналды. Алайда, бұл — 2015 жылғыға қарағанда көп емес, ол жылы полиция қолма-қол ақшаны есепке алмағанда, 26,7 миллион заттарды тапты.
2016 жылы тек
Токиода 3,83 миллион зат табылды. Салыстыру
үшін: 1997 жылы қоймада тек 1,37 миллион зат
бар болған.
Әдетте полицияға жүргізуші
куәліктері мен несие карталары (барлық
олжалардың 15,6% - ы) үшін жүгінеді, көп
адамдар пойыз билеттерін, киімдер мен
аяқ киімдер жоғалтады.
Жыл
сайын қоймадағы заттар саны артып,
мемлекеттен оны кеңейту үшін ақша
бөлінуде.
Ақша демекші, жапондықтар ақшаны да полицияға өткізеді. Өткен жылы Токио тұрғындары тәртіп сақшыларына 3,67 миллиард доллар табыс етті. 2,7 миллиард доллар заңды иелеріне қайтарылды, ал 500 миллионы оларды тапқан адамдарға берілді. Қалған 400 миллион Токио қазынасына жіберілді.
Жоғалған заттар иесі табылмаған жағдайда диллерлерге беріледі. Олар ұсталған дүниелерді сатуға шығарады.
