Бұл туралы Түркістан облысының әкімі Жансейіт Түймебаев халық алдындағы есепті кездесуінде мәлім етті, деп хабарлайды әкімдіктің баспасөз қызметіне сілтеме жасай отырып Elitar.kz.
«Дәстүрлі отбасы құндылықтары сақталған Түркістан облысындағы көпбалалы отбасылар ұлттық демографияға айтулы үлес қосып келеді. Қазір облыста 130 мыңнан астам көпбалалы отбасы бар. Олардың ішінде 16 500 отбасыға 27 немесе 100 мың адамға атаулы әлеуметтік көмек көрсетіледі. Биыл көпбалалы отбасыларындағы жұмыссыз ата-аналардың жұмыс табуына, балаларға еңбек нарығында бәсекеге қабілетті болуы үшін қажетті техникалық және кәсіби білім беру мақсатында арнаулы көмек көрсетуді көздейтін “Қолғабыс” жобалар кешенін жүзеге асырамыз. Атап айтқанда, 2019 жылы облыста “Еңбек және нәтижелі жұмыспен қамту” бағдарламасы шеңберінде 3,3 млрд теңгеге 3700-ден астам балаға техникалық және кәсіби білім гранты беріледі. Оның ішінде көпбалалы отбасыдан шыққан балаларға басымдық беріледі», – деді аймақ басшысы.
Облыстағы азаматтарды әлеуметтік тұрғыда демеу үшін атқарылған жұмыстар мұнымен шектелмейді. Мәселен, «Еңбек» нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған мемлекеттік бағдарламасы» аясында өткен жылы 69 682 адам қамтылған.
