Жыл басынан бері Түркістан облысында жалақысына қол жеткізе алмай жүрген жұмыскерлердің қатары 73-ке жетті. Екі бірдей мекеменің еңбеккерлер алдындағы жалақысы 43 млн 735 мың теңге болған. Бұл туралы «Түркістан облысы Шымкент қаласы кәсіподақтар орталығы» аумақтық кәсіподақтар бірлестігі өкілдері мәлімдеп отыр, деп хабарлайды Elitar.kz тілшісі.
Жалақы қарызы бар кәсіпорынның бірі Сайрам ауданында және ендігісі Арыс қаласында орналасқан. Сансыз баптар мекеніндегі "STARTUS-OIL" ЖШС-нің 67 жұмыскерге қарызы 42 млн 935 мың теңгеге жеткен. Жауаптылар мекеме жұмыс істеп тұрған жоқ, алайда жұмыс берушілер қарызды өндіруге әрекет етуде дейді. Кәсіподақ өкілдерінің мәліментіне қарағанда, тоғыз жолдың торабындағы «СпецАтомСервис» ЖШС 6 жұмыскерге 800 мың теңге берешек екен. Жұмыс берушілер осыған дейін айыппұл да арқалаған. Өкінішке орай, аталған кәсіпорындар мен ұйымдарда бастауыш кәсіподақ ұйымдары құрылмаған. Сондықтан да кәсіподақтар қызметкерлері сотқа жүгіне алмай отырғандарын айтады. Кәсіподақтар орталығы заң шеңберінде жұмыскерлердің құқын қорғауға белсене араласа алмайды.
