Түркістан облысы, Түлкібас ауданындағы мектеп түлектері көпбалалы анаға 4 бөлмелі үй алып берді, деп хабарлайды облыс әкімінің баспасөз қызметіне сілтеме жасай отырып Elitar.kz.
«Түлкібас ауданынының білім ошақтарының ішіндегі қара шаңырағы саналатын Абай мектеп лицейінің 1999 жылы мектеп бітірген түлектері 4 баланы жалғыз өзі тәрбиелеп отырған анаға аудан орталығы Т.Рысқұлов ауылынан 4 бөлмелі үй алып беріп, қуанышқа бөледі»,-делінген хабарламада.
Бұл түлектердің мектеп бітіргеніне 20 жыл толуына орай ұйымдаса отырып жасаған қайырымдылық шарасы.
Мичурин совхозында жұмысшы болып қызмет атқарған Назира Жапарқұлқызы сол маңайдағы Таусағыз ауылында жалдамалы пәтерде тұрып келген. Бала күтімімен үйде отырған ол өз кезегінде Рамазан айында жасалған тосын сыйға алғыс білдірді. Бұл қайырымдылық шарасы "Алтын ұям" жобасы аясында өтіп отыр.
Бұндай
игі шара Түлкібас ауданында бірінші
рет орын алып отырған жоқ. Былтыр дәл
осы Абай мектеп- лицейінің 1998 жылы
бітірген түлектері 7 баласы бар жалғыз
басты анаға аудан орталығынан төрт
бөлмелі үйді сыйға тартқан болатын.
Осындай қайырымдылық шаралары 20 жылдықты
атап өтетін түлектер арасында дәстүрге
айналған.
