Бұл туралы Түркістан облыстық полиция департаментінің баспасөз қызметіне сілтеме жасай отырып Elitar.kz хабарлайды.
Түркістан облысы Ордабасы ауданында 14 жасар қыз бала жоғалған. 28 мамыр күні жасөспірім үйінен белгісіз жаққа шығып кетіп қайтып келмеген. Ордабасы аудандық полиция бөлімінің полицейлері жоғалған қыз баланың ерекше белгілері бойынша іздеуге кіріседі. Нәтижесінде тәртіп сақшылары жасөспірім қызды анасының танысының үйінен тапқан.Қазір 14 жасар қыз баланың үйінен ешкімге айтпастан шығып кетуіне не себеп болғанын анықтау мақсатында тергеп-тексеру амалдары жүргізілуде.
Сондай-ақ, Сарыағаш ауданында жас ана сауда орталығында сауда жасап жүріп 4 жасар қызынан көз жазып қалған. 4 жасар бүлдіршінді іздестіруге жедел кіріскен полицейлер жоғалған аумақты басты назарға алады. Нәтижесінде бірер сағатта 4 жасар қыз баланы тауып, анасымен қауыштырды.
Айта кету керек,
жыл басынан бері осымен жоғалған 9-шы
баланы тәртіп сақшылары іздеп тауып,
аман есен ата аналарына табыстап отыр.
