Түркістан облысы, Ордабасы ауданының тұрғыны жын шығарушы Төрехан Додайұлұлына емшілік жол ата-бабасынан дарыған. 56 жастағы емші бұл жолға тек соңғы 8 жылдан бері бет бұрыпты, деп хабарлайды Elitar.kz тілшісі.
Емшіге бұдан өзге көбіне жын кіріп кеткен жандар да келеді. Олармен күресу оңай емес деген Төрехан Додайұлы алдымен адам ішіне кіріп кеткен жындармен әңгімелесіп, оның қай түріне жататынын анықтап алады.
Адам ішіне кірген жындардың өзіндік мақсаттары да болады екен. Кейде қара дуаның күшімен енетіндері де бар. Жын шығарушы шипа сұрап келушілердің арасынан жыны барларды анықтау аса қиын емес дейді. Олардың өзіндік белгілері де бар. Тек Түркістан облысы емес, еліміздің түкпір-түкпірінен арнайы іздеп келушілері бар Төрехан Додайұлы көбіне Ясин сүресімен адам оқимын деп отыр. Ал жағдайы тіптен нашар ем алушыларға Аят әл Күрсиді қолданамын деді. Емші бір адамға бірнеше жын кіріп кететін сәттердің де болатынын алға тартты.
8 жылдан бері келушілерге дем салып, шипа сыйлап келе жатқан емші жыннан сақтанудың жолдары бар, тек кейде оны орындай бермейтініміз өкінішті деп отыр.
