22 сәуір, 10:11
Бұл туралы Денсаулық сақтау министрі Елжан Біртанов мәлімдеді.
"...Алматы қаласында коронавирустық инфекцияның таралуы бойынша күрделі жағдайға байланысты қоғамдық денсаулық басқармасының басшысы Тілеухан Шилдебайұлы Әбілдаев жұмыстан кету туралы өтініш берді.
Қаладағы бақылауды күшейту мақсатында осы лауазымға К.Т.Надыров тағайындалды. Камалжан Талғатұлы бұған дейін Денсаулық сақтау министрінің орынбасары қызметін атқарып келді. Алайда кеше кешкісін Надыровта коронавирус диагнозы расталды. Сол себептен ол ауруханаға жатқызылды.
Әріптесім Камалжан Талғатұлына ертерек сауығып кетуін тілеймін.
Алматы қаласы әкімінің мақұлдауыман денсаулық сақтау басқармасының басшысы болған Әбілдаевтың отставкасы тоқтатылды.
Министр сондай-ақ, бүгінгі күні Алматыда коронавирусты жұқтырғандар саны 678 адамды құрайтынын, олардың жартысына жуығы скрининг жүргізу барысында анықталған медицина қызметкерлері екенін хабарлады. Орталық қалалық клиникалық аурухананың ошағы оқшауланды, ондағы барлық пациенттер, оның ішінде диагнозы расталған қызметкерлер қаланың стационарларында орналастырылды және ем алуда. Бұл аурухана толық дезинфекцияланады, одан кейін медициналық мекеме науқастарды қабылдауға кіріседі.
