18 ақпан, 16:19
Көмектескені үшін - 9 жыл түрме.
Өскеменде 32 жастағы кісі сотталды, оның айтуынша, марқұм өмірмен қоштасқысы келген, ал ол тек «көмектесіпті», деп жазады Elitar.kz тілшісі.
ШҚО ауданаралық мамандандырылған қылмыстық істер жөніндегі сотта кісі өлтірді деп айыпталған қаңғыбас кісінің ісі қаралды.
– Іс материалдарынан белгілі болғаны, күдікті бірге спиртті ішімдік ішкен соң 41 жастағы жергілікті тұрғынға қатысты күш қолданып, соның салдарынан жәбірленуші механикалық асфикциядан қайтыс болды, деп хабарлады ШҚО ауданаралық мамандандырылған қылмыстық істер жөніндегі соттың баспасөз қызметі.
Сот барысында айыпталушы таныс азаматтың өзі өмірден қош айтысқысы келіп, арқанды тартуын өтінгенін айтты.
– Сот-медициналық сараптама қорытындысы бойынша қарсылық көрсету мен алысу, қинау әрекеттерінің ізі табылмады, - дейді сот өкілдері. – Сот айыпталушының марқұмды өлтіргісі келмегені, тек өтінішін орындағаны жөніндегі түсінігін есепке алмай, сотталушы тек қоғамнан тыс жерде түзеледі деген қорытындыға келді.
Болған оқиғаның барлық себеп-салдары мен қылмысты ауырлататын және жеңілдететін жағдайдың барлығын, айыпталушының мойындауы мен қылмыстың мас халде жасалғанын ескере отырып сот бұл азаматты 9 жылға қатаң тәртіптегі түрмеге жабу туралы үкім шығарды.
Сот үкімі заңды күшіне енген жоқ.
Автор:
Марьяна Абдельдинова, ШҚО
