Түркістан облысы әкімінің орынбасары Сәкен Қалқамановтың мәліметінше, коронавирустан көз жұмған 64 жастағы тұрғында бұған дейін екінші дәрежелі қант диабеті, екі жақты пневмония, үшінші типтегі гипертония, миастения диагнозы болған.
"Тұрғын бір ай бойы Алматы облысы, Қарасай ауданында тұратын туысының үйінде болған. 15 наурыз күні автобуспен Жетісай қаласына келіп, 26 наурызда дәрігерлерге қаралған. Аудандық дәрігерлерден Алматы облысында қонақта болғанын жасырған. Оның өзге де отбасы мүшесінен коронвирус анықталды",-деді облыс әкімінің орынбасары.
