Мемлекеттік комиссияның жедел штабы хабарлағандай, аталған аумақтарда коронавирусқа шалдыққан 9 адам анықталды.
COVID-19 диагноз қойылған пациентпен байланыста болған 11 адамның 9-ында қауіпті індет диагнозы расталды. Облыстық штабтың келісімі бойынша Еңбекшіқазақ ауданындағы "Алтын адам", "Көксай", "Алтын алма" және "Береке" саяжай алабы карантинге жабылды.
Облыс әкімінің тапсырмасы бойынша азық-түлік себетімен және қажетті қызметтердің толық спектрімен қамтамасыз етілетін тұрғындар тізімі түзілді.
Қаулыны Еңбекшіқазақ ауданының бас санитарлық дәрігері қабылдады. Қазір карантин режимін қатаң сақтауды қамтамасыз ететін қызметтер жұмылдырылған.
