Techcrunch интернетте құпия сөзмен қорғалмаған серверді тапты, онда 419 млн-нан астам Facebook пайдаланушыларының жеке мәліметтері мен телефондары (133 млн - АҚШ, 50 млн - Вьетнамнан және 18 млн - Ұлыбританиядан) тарап кетті, деп хабарлайды ca-news.
Әрбір жазбада Facebook пайдаланушысының бірегей идентификаторы және есептік жазбада көрсетілген телефон нөмірі бар. Facebook пайдаланушысының идентификаторы - бұл пайдаланушыны оңай анықтауға мүмкіндік беретін, оның тіркелгісімен байланысты ұзын нөмір. Кейбір жазбалар, сондай-ақ, пайдаланушы аты, жынысы және елге байланысты орналасқан жері туралы мәлімет бар.
Айта кетейік, бұған дейін Facebook Федералдық сауда комиссиясымен (FTC) әлеуметтік желі пайдаланушыларының мәліметтерінің құпиялылығын бұзғаны үшін $5 млрд көлемінде рекордтық айыппұл төлеу туралы келісімге келген. Келісім өткен жылдың наурыз айында болған Cambridge Analytica төңірегіндегі даудан кейін басталған. Сол кезде Facebook-тің Cambridge Analytica зерттеу компаниясының 87 млн пайдаланушыларының деректерін бергендігі белгілі болды.
