Қостанайда колледж студенті жатақхана терезесінен құлап кетті

19 желтоқсан, 13:29

Жас жігіт техника қауіпсіздігі нормаларын сақтамағандықтан жатақхана терезесінен құлап кеткен.

Оқыс оқиға Қостанай индустриалды-педагогикалық колледжінің жатақханасында 18 желтоқсан күні орын алды. Қостанай облыстық ТЖД баспасөз қызметінің хабарлауынша, студент үшінші қабатта болған.

17 жастағы жігіт бірден облыстық ауруханаға жатқызылды. Оған өкше сүйегінің жабық сынуы, іштің және аяқ балтырының жарақаттары диагноздары қойылған.