Тәртіп сақшыларының ән салып тұрған видеосын Нұрдәулет Тәңірберген деген Facebook қолданушысы желіге жүктеді.
Видеодан үш полицейдің өлең айтып тұрған сәтін көруге болады. Өз сөздерінде тәртіп сақшылары аталған ән шымкенттік полицейлер атынан сый екенін жеткізеді.
Желі қолданушылары полицейлердің бұл талантына әртүрлі пікір білдірді. Олардың бірі митингке шығып, наразылық танытқандарды тарқатудан әлдеқайда әсерлі екенін айтса, енді бірі ән айтып тұрғандардың расымен де полицей екеніне күмән келтірді.
