01 сәуір, 10:23
Куәгерлердің айтуынша жасөспірімнің денесі көпқабатты тұрғын үйлердің бірінің ауласынан табылған.
Қалалық денсаулық сақтау басқармасы жасөспірімнің қаза болғанын растады. Басқармадағылар Elitar.kz тілшісіне мүрденің 30-наурызда, кешкі уақытта табылғанын хабарлады.
«Ол шамамен 15 жасар жасөспірім. Мүрде көпқабатты үйдің ауласынан кешкі сағат 20-лар шамасында табылған»,-деді Шымкент қалалық денсаулық сақтау басқармасы басшысының міндетін уақытша атқарушы Ғалымжан Әбішев.
Шымкент қалалық полиция департаменті оқиғаға қатысты кейінірек түсініктеме беруге уәде етті.
Портал журналистері қайғылы жағдай орын алған үй тұрғындарымен сөйлесті. Олар да баланың қазасын растап отыр.
Тұрғындардың айтуынша, жасөспірімнің денесі олардың үйінің терезесі тұсынан табылған.
Полиция мұның жазатайым оқиға немесе өз-өзіне қол жұмсау екенін анықтайтын болады.
Ресми емес ақпаратқа сәйкес, марқұм республикалық деңгейдегі беделді оқу орындарының бірінде оқыған. Жексенбі күні журналистіміз аталған оқу орнына барды, бірақ әкімшілік орнында болмай шыққан. Сондай-ақ мекемедегілер баспасөз өкілімен әңігімелесуге пейіл танытпаған.
