14 қазан, 11:38
Шымкентте санкцияланған митингілер мен бейбіт жиналыстар үшін орын санын қысқартуға ниетті. Қала мәслихаты шешімінің жобасы "Ашық НҚА" порталында жарияланды.
Шымкентте жиналыстар мен митингілерді өткізу тәртібінің қолданыстағы редакциясында іс-шараларды өткізу орындары төмендегідей анықталған:
Абай саябағындағы "Даңқ" мемориалының алдындағы алаң (Рысқұлов көшесі);
"Асбестцемент комбинаты" АҚ алдындағы алаң (Ақназар хан көшесі);
"Наурыз" алаңы (Бәйдібек би көшесі);
Металлургтер саябағындағы алаң (Абай даңғылы);
Тоғыс тұрғын алабындағы "Қазығұрт" мәдениет сарайының алдындағы алаң (Мұнай барлаушылар көшесі);
Сайрам тұрғын алабындағы (Әмір-Темір көшесі) "Мәртөбе" тарихи кешені жанындағы алаң;
Алайда алты орынның ішінен мәслихат бұл тізімде тек екеуін ғана қалдыруды ұсынды. Олар: "Наурыз" алаңы мен "Металлургтер" саябағындағы алаң.
Шерулер мен демонстрацияларды өткізу маршруты мынадай болып қалады: Өтегенов көшесі Рысқұлов көшесінен Арғынбековке дейін.
Естеріңізге сала кетейік, 2 қыркүйекте Президент Қасым-Жомарт Тоқаев өзінің халыққа Жолдауында бейбіт акциялар өткізуге рұқсат беріп, арнайы орындар бөлуге шақырды.
"Егер бейбіт акциялар заңды және азаматтардың тыныштығын бұзу мақсатын көздемесе, онда оларды өткізуге заңмен белгіленген тәртіпте рұқсат беру керек. Бұл үшін арнайы орындар бөлу қажет", – деді Тоқаев.
Автор:
Elitar.kz
