02 қараша, 10:52
Халыққа мемлекеттік қызметті алу жолын ыңғайлы әрі қолжетімді ету мақсатында заманауи жүйеде қызмет көрсететін цифрлық кеңсе ашылды. деп хабарлайды ELITAR.KZ
Шым қалада ХҚО қызметін одан сайын жетілдіре түсу мақсатында халыққа заманауи жүйеде қызмет көрсететін цифрлық кеңсе ашылды. Цифрлық мазмұндағы бөлімшенің ресми ашылу салтанатына тәуелсіз директорлар кеңесінің мүшелері Зағипа Балиева мен Ерғали Бегімбетов, «Азаматтарға арналған үкімет» мемлекеттік корпорациясының басшысы Сүйеніш Әбділдин және Шымкент қаласы әкімінің бірінші орынбасары Шыңғыс Мұқан мен филиал директоры Балмейір Сансызбайұлы қатысты.
Жалпы, бүгінгі таңда «бір терезе» қағидаты аясында халыққа қызмет көрсету ісі әлдеқайда жеңілдеген. Тіпті цифрлық мүмкіндіктер арқылы азаматтар үйінде отырып-ақ көптеген мемлекеттік қызмет түрін өздері ала алады. Мәселен, кейбір анықтамалар мен құжаттарды алу үшін қазір Халыққа қызмет көрсету орталығына келіп әуре болудың қажеті жоқ. Кез келген азаматтың оны смартфон көмегімен шығарып алуға мүмкіндігі бар.
Басқарма Төрағасы Сүйеніш Әбділдиннің айтуынша халыққа қызмет көрсету орталығының жұмысы халық үшін тиімді. Яғни, бұрынғыдай кезек күтудің қажеті жоқ.
«Бұрын бұл жер қызмет көрсету залы болды. Біз оны үшке бөлдік. Өйткені қызмет көрсету ұзақтығы әртүрлі. Кейбіреулері бірнеше минут ішінде, басқалары 20-30 минут уақытты алады. Сондықтан, жедел қызмет көрсету үшін, яғни азаматтардың кезекте тұрмауы үшін залды бөлуге туралы шешім қабылдадық. Бұл бізге адам санын көбейтпеуге, кезекті жеңілдетуге мүмкіндік бермек»
Бұдан бөлек, халыққа қызмет көрсету орталығында баласы бар аналарға арналған бөлмелер, сондай-ақ, жасөсіпірімдер үшін ойын алаңдары қарастырылған.
Келген қонақтарды Шымкент қаласы әкімінің бірінші орынбасары Шыңғыс Мұқан алып жүрді. Осыған орай, журналистер оның ХҚКО-ға соңғы рет қандай қызмет түрын алғанын сұрады.
«ХҚКО-да болмағаныма біршама уақыт болды. Негізінен е-гов электронды үкіметік порталын қолданамын. Халыққа қызмет көрсету орталықтарына сирек келемін. Мен ХҚКО-да соңғы рет екі жыл бұрын жеке куәлік алуға өтініш қалдырған кезде болдым. Есімде, ол кезде шамамен 30-40 минут күтуге тура келген. Енді өздеріңіз көріп отырсыздар, бұл мәселе шешілді. Адамдардың қарасы да азайған»- деп жауап берді әкім орынбасары.
Сонымен қатар жыл басынан бері мегаполистегі ХҚО-ларда қала тұрғындарына 900 мыңнан астам қызмет көрсетілген
