Ол қала мектептерінің асханасын жалға алып жұмыс істеп жатқан жеке кәсіпкерден жалға алу мерзімін ұзартып беру үшін 1,5 млн теңгеге жуық ақша алмақ болыпты. Шенеунік қазір екі ай мерзімге қамауға алынған. Оған ҚР ҚК-нің 366-бабының 3-бөлігімен, яғни "пара алу" бойынша айып тағылып отыр. Бұл ақпаратты Шымкент қалалық білім басқармасындағылар да жоққа шығарған жоқ. Басқарма басшысының орынбасары құқық қорғау органдарымен құрықталған сәтте еңбек демалысында болған екен.
"Шымкент қалалық білім басқармасының орынбасары қызметінде жұмыс істеген тұлға өз өтінішімен ары қарай жұмыстан кетуге ұласатын еңбек демалысын сұрап арыз қалдырған. Қазіргі уақытта еңбек демалысында болатын. Бізде бұдан өзге ақпарат жоқ",-дейді қалалық білім басқармасындағылар.
