Бас шыршаны салтанатты түрде жағу шарасы Әл-Фараби алаңында өтті, деп хабарлайды Elitar.kz тілшісі.
Тұрғындар көптен күткен айтулы кешке қала әкімі Ғабидолла Әбдірахымов қатысты.
Салтанатты шара кезінде алдымен Аяз ата мен Ақшақарлардың шеруі өтті. Мұнан соң түрлі ертегі кейіпкерлері мен аниматорлардың қатысуымен қойылымдар көрсетілді.
Ақпарат ретінде айта кетерлігі, Шымкенттегі бас шыршаның биіктігі 15 метрді құрайды, салмағы 1 тоннаға жуық. Жаңа жылдың басты символы болып табылатын шыршаны безендіру үшін 440 метр жарық шамдар, 240 дана алтын түстес шарлар, 540 дана басқа да ойыншықтармен 3400 метр гирлянды жұмсалды. Тура осындай биіктіктегі шырша әкімшілік іскерлік орталығының алаңына да орнатылды. Ал қаланың орталық көшелері 180 тақырыптық кіші сәулеттік мүсіндер мен 400-ден астам жаңа жылдың символы болатын түрлі жарық шамдар және 9 керме тартпамен безендірілді.
ФОТО: Шымкент қаласы әкімдігінің баспасөз қызметі
