Бүгін, 3 желтоқсанда таңғы сағат 5:25-те "Қызылорда-Құмкөл" автожолында жолаушылар автобусы аударылып кетті. Алдын ала деректер бойынша, жол апаты жүргізушінің автобусты дұрыс басқара алмауынан орын алған.
Алғашында оқиға орнынан төрт адамның денесі табылды. Зардап шеккен 15 адам автобустан шығарылды.
Ауыр зардап шеккен 6 адам, орта ауырлықтағы - 16, жеңіл дәрежедегі жарақат алған 7 жолаушы облыстық ауруханаға жатқызылды. Республикалық шұғыл медициналық көмек орталығы тарапынан қолдау, оның ішінде санитарлық авиация бригадаларының шығуы жүзеге асырылды.
