Әйел адамды тонаған екі ер адам үш жыл бас бостандығын шектеу жасазына кесілді. Үкім шығару кезінде сот тоналған адамның бас бостандығынан айырумен байланысты емес жаза тағайындау туралы өтінішін ескерді, - деп хабарлайды Elitar.kz Алматы облысы ІІД баспасөз қызметіне сілтеме жасап.
19 наурыз күні Қаратал ықшам ауданының тұрғыны өз үйінің кіреберісіне кіргенде екі адам тап берген. Олар - 23 жасар Азизхан Ниязов пен 21 жасар Ақжан Ержан. Олар әйелдің сөмкесін алып кетті. Айта кетейік, сөмкеде бір миллион теңге ақша болған.
Жәбірленуші бірден полицияға
жүгінді. Тонау кезінде күдіктілер екі
тәуліктен кейін ұсталды.
"Тергеу
барысында күдіктілер екі күн бойы өздері
таңдаған құрбандықты аңдығаны анықталды.
Ұрланған ақша ұсталғандардан алынып,
жәбірленушіге қайтарылды",-деп
хабарлады облыстық полиция департаментінің
баспасөз қызметі.
Сот үкімімен екі
сотталушыға үш жыл бас бостандығын
шектеу түріндегі жаза тағайындалды.
Сот сондай-ақ жазасын өтеу кезеңінде
кінәлілерді мәжбүрлі жұмысқа тартты.
"Жәбірленуші сот алдында
тонаушыларға бас бостандығынан айырумен
байланысты емес жаза тағайындау туралы
өтініш жасады. Сонымен қатар, үкім шығару
кезінде сотталушылар бұрын сотталмаған
және жасалған қылмыста шын жүректен
өкінгені ескерілді. Сондай - ақ, келтірілген
шығын толық көлемде өтелді", - деп
атап өтті полиция депортаменті.
Сотталғандарға
жазаны өтеуден қасақана жалтарған
жағдайда бас бостандығын шектеудің
өтелмеген мерзімі оны айыру түріндегі
жазамен ауыстырылатыны түсіндірілді.
