Жедел жәрдем көлігі мен жолаушылар автобусының қатысуымен орын алған көлік апаты бүгін, 3 мамыр күні орын алған. Қақтығыс кезінде "жедел жәрдем" салонында жолаушылар болған.
Тараз полиция департаментінің хабарлауынша, ЖКО салдарынан автобус жолаушыларының бірі және жедел жәрдемнің үш жолаушысы жарақат алды. Олардың барлығына медицина қызметкерлерінің көмегі қажет болды.
"Ағымдағы жылдың 3 мамырында Тараз қаласында "Газель-32214" маркалы жедел жәрдем автокөлігінің және "DONG FENG" маркалы жолаушылар автобусының қатысуымен жол-көлік оқиғасы орын алды. Жедел жәрдем көлігінде зардап шеккендер бар. Аталған факті бойынша тиісті сараптамалар тағайындалды", - делінген хабарламада.
