Әзірге қала дәріханаларында медициналық маска тапшылығы байқалып жатқанда, OLX сайтындағы хабарландырудан Шымкентте бұл бойынша шағын бизнес қызып тұрғанын байқауға болады. Олар маскаларды қораптап сатып алып, бір данасын 100 теңгеге сатылымға шығарған. Айта кету керек, жақында ғана Үкімет елдегі маска бағасын көтеру және олардың дәріханаларда болуы мәселесін қатаң реттеп отыру бойынша тапсырма жүктеді.
Ал Қазығұрт ауданында бір медициналық маска құны 300 теңгеге жетеді. Бұл туралы белсенді Құрманғазы Мүсір Facebook парақшасында жазды.
"Короно вирус па, әлде маска бизнес пе?
Түркістан облысы, Келес ауданы Абай ауылы, 04.03.2020 жыл.
Қан қысымым көтеріліп, дәрі алуға дәріханаға барсам:
Күні кеше 25 теңгеден болған медициналық маскалар, бүгін бір аптекада 150 теңге болса, екіншісінде 300 теңге болып кетіпті.
Қалған 10 аптекада мүлдем қалмапты маскалар.
P.S.: "Біреуге жан қайғы, біреуге мал қайғы" деп жазды желі қолданушысы.
Осы ретте фармацевтикалық компаниялармен суық тиюге қатысты дәрілер мен медициналық маска бағасын көтермеу туралы түзілген меморандум қайда қалды деген сұрақ туады.
