18 наурыз, 10:36
Облыс полицейлері 20 ұрлыққа қатысы бар деген күдіктіні ұстады, деп жазады Elitar.kz Түркістан облыстық полиция департаментінің баспасөз қызметіне сілтеме жасап.
20 ақпан күні Жетісай аудандық полиция бөліміне жергілікті тұрғын шағымданып, «Ауди» көлігінен магнитола ұрланғанын айтқан.
Шұғыл-тергеу тобы құрылып, жедел іздестіру барысында күдікті ұсталды. Ол жұмыссыз, бұрын сотты болған екен. Тергеу барысында полицейлер күдіктінің осындай 20 қылмысқа қатысы бар екенін анықтады.
Тәртіп сақшылары осыған байланысты автокөліктерде қалған бағалы заттар қылмыс жасауға түрткі болатынын айтып, көліктің ішінде ешуақытта сөмке, құжаттар мен басқа да бағалы заттарды қалдырмауды ескертеді.
Автор:
Elitar.kz
