Қазақстан Республикасының Премьер-Министрі палатаның жалпы отырысында сенаторлардың сұрақтарына жауап бере отырып, «АрселорМиттал Теміртау» компаниясының иелеріне қойылатын жаңа талаптар туралы айтты, деп хабарлайды Elitar.kz Kazpravda.kz сайтына сілтеме жасап.
Әлихан Смайыловтың айтуынша, өнеркәсіптік қауіпсіздік тұрғысынан заңнаманы жетілдіру үшін жаңа стандарттар әзірленуде.
«Жалпы, біз қазір өнеркәсіптік қауіпсіздік тұрғысынан заңнаманы жетілдіру бөлігінде жаңа стандарттар әзірлеп жатырмыз.Олар осындай өндірістердің иелері мен басшыларының жауапкершілігін арттыруға бағытталған, мемлекет тарапынан бақылау шараларын күшейтуге, заңнамалық консолидациялауға бағытталған.
Осындай қауіпті өндірістерді материалдық-техникалық қайта жарақтандыруды қаржыландыру көлемін кәсіпорындардың жалпы кірісінің кемінде 1 пайызы көлемінде, сондай-ақ жаңа технологиялар мен өнеркәсіптік қауіпсіздік талаптарын ескере отырып, қайта қарау, жаңарту, өнеркәсіптік қауіпсіздікке қатысты басқа да мәселелер», - деді Премьер-Министр.
Сондай-ақ әкімшілік, қылмыстық және кәсіпкерлік кодекстерге және «Азаматтық қорғау туралы» заңға өзгерістер енгізу жоспарлануда. Қолданыстағы заңнама апаттар мен жарақаттарды азайту үшін техникалық қайта жарақтандырудың жылдық жиынтық жоспарын қалыптастыруды көздейді.
«Ағымдағы жылы 2,5 мыңнан астам техникалық құрылғыны ауыстыру және 100-ден астам өндірістік желіні жаңғырту жоспарлануда.(...)
Қарағанды облысындағы «АрселорМиттал Теміртау» кенішіндегі апатқа келетін болсақ, жақында осы компанияның көмір өндіруге жер қойнауын пайдалану келісімшартын қарау барысында біз бірінші рет жаңғыртуға инвестиция бөлу қажеттілігіне қатысты қосымша талаптар енгіздік.
Жыл сайын кемінде 150 млрд теңге көлемінде көмір өндіру, сондай-ақ көмір қабаттарын газсыздандыруға 37 млрд теңге бөлу. Бұрын мұндай міндеттемелер болмаған. Жер қойнауын пайдаланушының басқа да міндеттемелері. Басқа да жер қойнауын пайдаланушыларға қатысты осындай қосымша талаптар мен міндеттемелерді күшейтуді жоспарлап отырмыз», - деді Әлихан Смайылов.
Бұған дейін сенаторлардың еңбек қауіпсіздігі талаптарын күшейтуді жоспарлап отырғаны хабарланған болатын.
