Денсаулық сақтау министрі Шығыс Қазақстан облысына қарасты Зайсан ауданындағы жағдайға қатысты пікір білдірді. Сарытерек және Айнабұлақ ауылдарының тұрғындары жиналып, осы елдімекендерде ҚХР тұрғындары үшін карантин ұйымдастырылатыны туралы жаңалыққа нарызылық танытты. Министрдің айтуынша, тұрғындар шындыққа жанаспайтын ақпарат алған.
Еліміздің бас дәрігері Қазақстан аумағында Қытай азаматтарын карантинге орналастыру жоспарланбағанын хабарлады. Сонымен қатар, бүгінгі таңда Қазақстан-Қытай шекарасы жолаушылар тасымалы үшін жабық. Елжан Біртановтың айтуынша, екі жақты шекара маңындағы саудамен айналысатын жүк көліктерінің жүргізушілері ҚХР–ға тауар алып келуге кетіп, сол жерде қалып қойған қазақстандықтарды оқшаулау туралы сөз болып отыр. Бұл адамдар енді отанына оралғысы келеді.
