Құқық қорғау органдарының мәліметтері бойынша, оқиға 22 тамызда "Ана мен бала" орталығында орын алған, деп хабарлайды Elitar.kz.
Бұған дейін желіде күзетшіні соққыға жығып жатқан екі ер адамның видеосы жарияланған болатын.
"Жедел іс-шаралар барысында Байқоңыр қаласының 32 жастағы тұрғыны таныстарымен бірге медбике мен күзетшінің қабылдау уақыты аяқталды дегеніне дөрекі жауап қайтарып, күзетшіні соққыға жыққаны анықталды", - деп хабарлады Қызылорда облысы ІІД баспасөз қызметіндегілер.
Күдіктілер ұсталды. Қазір бұзақылық дерегі бойынша қылмыстық кодекстің 293-бабы бойынша сотқа дейінгі тергеу жүріп жатыр.
.
