24 қараша, 12:11
Қызылорда тұрғыны қамаудағы досына палау ішіне жасырып, телефон өткізіп бермекші болған. № 68 республикалық мемлекеттік мекемесінде ( тергеу изоляторы) сәлем-сауқаттарды қабылдау бөлмесіндегі бақылаушы қызметкерлері тыйым салынған затты тауып тәркіледі.
Мекеме қамауындағы ер кісіге келген азамат «Samsung» маркалы ұялы телефонын политэтилен пакетіне орап, палау тағамы ішіне жасырып өткізбекші болған.
Қызылорда облыстық Қылмыстық-атқару жүйесі департаментінің мәліметінше, жазаға тартылған досын жарылқамақшы ниеттегі азаматтың тағам ішіне салынған «тосын сыйын» сәлем-сауқаттарды қабылдау бөлмесіндегі бақылаушы қызметкерлер бірден аңғар,ан.
Досына телефон әкелген Қызылорда қаласының 1997 жылғы тұрғынының үстінен Әкімшілік құқықбұзушылық туралы кодекстің 481-бабына сәйкес әкімшілік хаттамала толтырылды. Іс-құжаттары процесуалдық шешім қабылдау үшін Қызылорда қалалық әкімшілік сотына жолданды.
