Жетісу облысы Қаратал ауданында тұратын ер кісі полиция мен барша жанашыр азаматтардан көмек сұрайды. Оның айтуынша, ол ұзақ жылдар бойы фазендада жұмыс істеп, еңбек құлдығында болған. Онымен бірге 2018 жылы қызы да жүрген. Шарасыз күн кешкен тұрғын амал тауып, қызымен бірге құлдықтан қашып құтылған. Қазір жақын маңдағы қалада белгісіз біреудің үйінде жасырынып отыр. Ал құжаттары жұмыс берушіде қалған.
«Оның көп жылдар бойы жергілікті шаруа қожалықтардың бірінде еңбек құлдығында болғаны туралы ақпарат облыстық полиция ұйымдастырған арнайы іс-шаралар аясында тексерілуде. Ер адамнан 8 7282 60-80-08, 102 немесе 8 7784444118 телефондары арқылы Жетісу облыстық ПД кезекші бөліміне хабарласып, тиісті айғақтар беруін сұраймыз. Тексеру нәтижелері туралы қосымша ақпарат туралы кейінірек хабарлаймыз» делінген ведомство мәліметінде.
