"Үйлердегі жылыту радиаторлары суып кетті. Балабақшалар жабылды, мектептерде сабақтың тоқтатылатыны туралы хабарлама түсті. Балалар жылусыз үйде отыруға, күндізгі уақытта жылусыз қалуға мәжбүр. Осындай қиын жағдайда жұмыс істеп жүрген ата-анасының қадағалауынсыз балалар өз бетімен қалуға мәжбүр», - деп жазады Риддер тұрғындары Мемлекет басшысына жолдаған хатта.
Оның үстіне қаланың кейбір аудандарында электр қуаты үзіліп, адамдар жарықсыз және электр құрылғыларымен жылыту мүмкіндігінен айырылды», - деп келтіреді Noks.kz петициядан.
Жылу электр орталығындағы апат салдарынан 20 мыңнан астам адам жылусыз қалды - қалада төтенше жағдай режимі жарияланды.
Ал, ШҚО әкімі Даниал Ахметов Риддердегі қазандықтың жұмысын қарашаның 9-ына дейін қалпына келтіруге болатынын хабарлайды.
«Қазір ол жерде «Казцинк» ЖШС бригадасы жұмыс істеп жатыр, 9 қарашаға дейін сорғы станциясының жұмысы қалпына келтіріледі.Қазір орташа қысымды 1 қазандық жұмыс істеп тұр.
Сонымен қатар апат кезінде №6 қазандықта фистула табылды - жоғары қысым. Дәнекерлеу және жөндеу жұмыстарымен «Востоквзрывпром» ЖШС-нің екі бригадасы айналысуда, жұмыс 8 қарашада аяқталады, бұл қазандықты жағу қажетті температуралық режимді қалпына келтіреді», - деп жазды Даниал Ахметов әлеуметтік желіде.
Еске салайық, жылу электр орталығындағы апат 5 қарашада орын алып, қала жылусыз қалған болатын. Қала тұрғындары ел Президентінің атына петиция жазды.
