Қазақстан Республикасының Төтенше жағдайлар министрі Юрий Ильин келесі жылдан бастап өрт сөндірушілердің жалақысы көтерілетінін айтты. Нәтижесінде олар айына кемінде 180 000 теңге табыс таба алады, деп хабарлайды Elitar.kz Kazpravda.kz сайтына сілтеме жасап.
Юрий Ильин 2023 жылдың 1 қаңтарынан бастап қызметкерлердің жалақысын 10-нан 70 пайызға дейін көтеру жоспарланып отырғанын атап өтті.
«70% - қатардағы және басшы құрамдағы, яғни қызметті енді бастап жатқандар үшін максималды өсім. Басқарушы құрамның 10% - өрт сөндіру қызметінің басшылары, бөлімшелердің басшылары», - деп түсіндірді ол.
Осылайша, ең төменгі жалақы 180 мың теңге шегінде болмақ.
«Төтенше жағдайлар министрлігі басшылығының жалақысы біржақты көтерілмейді, саяси қызметкерлерге қарастырылмаған», - деп сендірді ТЖМ басшысы.
Еске салайық, үш жыл бұрын Төтенше жағдайлар министрлігінің қызметкерлері айына 65 мың теңге алатын. Одан кейінгі жылдары олардың жалақысы 110 мың теңгеге дейін көтерілді.
